សាររបស់ប្រធានក្រុមប្រឹក្សាភិបាល

អ្នកឧកញ៉ា លី សុភ័ក្ត កើតក្នុងឆ្នាំ 1978 នៅខេត្តកំពង់ចាម ប្រទេសកម្ពុជា។ អ្នកឧកញ៉ា គឺជាសហគ្រិនដ៏ឆ្នើម និងជាអ្នកដឹកនាំធុរកិច្ចប្រកបដោយចក្ខុវិស័យច្បាស់លាស់។ បច្ចុប្បន្ននេះ អ្នកឧកញ៉ា មានតួនាទីជាប្រធានក្រុមប្រឹក្សាភិបាលរបស់ក្រុមហ៊ុន ស៊ីធីលីង ត្រេនស្ព័រថេសិន (ខេមបូឌា) ឯ.ក និងជាអនុប្រធានប្រតិបត្តិក្រុមហ៊ុន លី ហួរ គ្រុប។ ជាមួយនឹងបទពិសោធជាងពីរទសវត្សរ៍ អ្នកឧកញ៉ា លី សុភ័ក្ត បានត្រួសត្រាយមាគ៌ានៃវិស័យហិរញ្ញវត្ថុ ដោយបានបង្កើតក្រុមហ៊ុនមានសក្តានុពល ជាច្រើនហើយថែមទាំងបានបង្ហាញភាពជាអ្នកដឹកនាំដ៏ពិសេសក្នុងអន្តរកាលសំខាន់ៗកន្លងមក។

អ្នកឧកញ៉ា លី សុភ័ក្ត មានយុទ្ធសាស្ត្រ ភាពប៉ិនប្រសប់ និងជំនាញគ្រប់គ្រងយ៉ាងទូលំទូលាយ ក្នុងការបង្កើតបានភាពជោគជ័យ និងរឹងមាំនៅក្នុងវិស័យអាជីវកម្មចម្រុះ រួមមាន ហិរញ្ញវត្ថុ កសិកម្ម អចលនទ្រព្យ និងប្រព័ន្ធផ្សព្វផ្សាយ ទទួលបានលទ្ធផលគួរឱ្យកត់សម្គាល់ ព្រមទាំងឈានមុខគេក្នុងវិស័យពាណិជ្ជកម្ម។

ដោយប្រកាន់ខ្ជាប់នូវគោលការណ៍សុចរិតភាព និងភាពជឿជាក់ អ្នកឧកញ៉ា លី សុភ័ក្ត ទទួលបាននូវទំនុកចិត្តពីអ្នកវិនិយោគ និងដៃគូពាណិជ្ជកម្មអន្តរជាតិ ហើយបង្កើតបានកិច្ចសហការប្រកបដោយមិត្តភាពយូរអង្វែងជាមួយ ភាគហ៊ុនិកទាំងក្នុង និងក្រៅប្រទេសដូចជា សហរដ្ឋអាមេរិក ជប៉ុន អូស្ត្រាលី និងតៃវ៉ាន់។ ក្នុងនាមជាអ្នកដឹកនាំប្រកបដោយថាមពលនៃយុវជនជំនាន់ក្រោយ អ្នកឧកញ៉ា លី សុភ័ក្ត បានកសាងភាពរឹងមាំ និងចំណង់ចំណូលចិត្តចំពោះការងារ ហើយបានបន្តុះឆន្ទៈនេះដល់ក្រុមទាំងអស់ ឲ្យមានគំនិតច្នៃប្រឌិតដើម្បីកសាង អនាគតដ៏រុងរឿងរួមគ្នា។ ជាមួយនឹងការលើកតម្កើងគុណតម្លៃស្នូលនៃឧត្តមភាព និងភាពស្មោះត្រង់ អ្នកឧកញ៉ា

លី សុភ័ក្ត នៅតែបន្តដឹកនាំគ្រប់ក្រុមហ៊ុន ឆ្ពោះទៅរកភាពរីកចម្រើនប្រកបដោយនិរន្តរភាព និងឥទ្ធិពលជាវិជ្ជមានក្នុងសង្គម ព្រមទាំងការពង្រឹងកេរ្តិ៍ឈ្មោះជាបុគ្គលឆ្នើមក្នុងវិស័យធុរកិច្ចរបស់កម្ពុជា។