កម្មវិធីជប់លៀងសង្ក្រាន្តគ្រួសារ អបអរសាទរឆ្នាំថ្មី
 

កាលពីថ្ងៃទី០៣ ខែមេសា ឆ្នាំ២០២៦ បុគ្គលិកនិងថ្នាក់ដឹកនាំរបស់ ក្រុមហ៊ុន ស៊ីធី លីង ត្រេនស្ព័រថេសិន (ខេមបូឌា) ទាំងអស់ បានអញ្ចើញចូលរួមកម្មវិធី ជប់លៀងសង្ក្រាន្តគ្រួសារ អបអរសាទរឆ្នាំថ្មី ជាមួយក្រុមហ៊ុនបុត្រសម្ព័ន្ធដែលស្ថិតក្រោម LX Group ក្នុងបរិយាកាសសប្បាយរីករាយ និងសាមគ្គីភាពយ៉ាងកក់ក្តៅ។
កម្មវិធីនេះបានរៀបចំឡើងដើម្បីជប់លៀងបុគ្គលិក ក្នុងឱកាសសង្ក្រានឆ្នាំថ្មី និងពង្រឹងទំនាក់ទំនង ការសហការ រវាងបុគ្គលិក និងថ្នាក់ដឹកនាំពីក្រុមហ៊ុននានាក្រោមដំបូល LX Group។ ក្នុងឱកាសនេះ ថ្នាក់ដឹកនាំបានថ្លែងសុន្ទរកថាខ្លីមួយ បង្ហាញការអរគុណចំពោះបុគ្គលិកទាំងអស់ដែលបានចូលរួមចំណែកយ៉ាងសកម្មក្នុងការអភិវឌ្ឍក្រុមហ៊ុន និងជំរុញឱ្យមានការបន្តខិតខំប្រឹងប្រែងដើម្បីសម្រេចបានគោលដៅថ្មីៗក្នុងឆ្នាំខាងមុខ។ រីឯអ្នកចូលរួមទាំងអស់វិញ បានរីករាយជាមួយអាហារសាមគ្គី លេងល្បែងប្រជាប្រិយខ្មែរ រួមទាំងការរាំលេងកម្សាន្តដែលធ្វើឲ្យបរិយាកាសកាន់តែរស់រវើក និងសប្បាយរីករាយ។
កម្មវិធីបានបញ្ចប់ដោយជោគជ័យ និងអនុស្សាវរីយ៍ល្អៗ ដែលបានរួមចំណែកបង្កើនស្មារតីក្រុមការងារ និងជំរុញឱ្យមានការសហការណ៍កាន់តែរឹងមាំសម្រាប់ការរីកចម្រើនរួមគ្នានាពេលអនាគត។

ដើម្បីមើលរឺចង់ Download រូបទាំំងអស់  សូមចុចលីងនេះ👉  https://drive.google.com/drive/folders/1H8FsDN17snwfbayauxC17o4iwj7D_2T1?usp=sharing